Friday, August 13, 2010

Kawnpui Dai-ah Truck Chesual

Vawiin chawhnu dar 1:30 khan Kawnpui Dai Sairang road Tuitun  thlen hma kawng thlang lamah Kawnpui atanga Aizawl lam pan Truck MZ 01 C 3528 Rod leh Cement phur chu  a chesual a,motor-ah hian mi 5 chuang mi 3 a hmunah an boral nghal a, hliam 2 an awm bawk. Thite chu  Motor neitu leh Driver Lalfamkima s/o Aisiama chhangte Thingsul Tlangnuam, Motor hire tu Ngaihhlira VCP Thingsual tlangnuam  leh Cement Mistiri  M.D Jamal Uddin s/o M.D Hasan Al Karimganj te an ni a, Hliam te chu Vanlalruanga, electrc veng Aizawl leh  laltharzuala Thingsul tlangnuam te chu an na hle a ni. Hliam leh thi te hi Kawnpui PHC-ah dah an ni a, a hmunah hian Kawnpui Civil SDO Pu EC Darduna chuan awmchilh-in Cement khuh nan Silpouline 3 a pe a, Kawnpui khuaa Branch YMA hrang hrang atangin thalai 100 chuang hnatlangin an thawkchhuak bawk a, Kawnpui Police ten an thutchilh bawk a ni.

Wednesday, August 11, 2010

Lung Nupa










Bualpui bulah Lung Nupa a awm a, hei hi A pa zawk niin an sawi!  Kawngpui bul lawkah  a awm a ni. Zin miten an hmu duh hle




Hemi zawk hi erawh a Pa a ni thung. NH-54 bula awm a ni a, zin mitan thlir a awl hle.

'Nang ang' tih hla Rebecca in a phuahtu phuah angin sa lo !!

Nang ang (Original)
1. Hmanah hlimten len laiin,
Biahthu nem ten min hlanin,
Tunah thenna thu hlanin,
Lengdang tang i bel leh si

2. Thapui hlimten leng ta la ,
Kei zawng ka tling lo i tan,
Lamang lo let leh mah la,
Pawm leh hian ka mawi lo che.

*** Mahse nunhlui dawn changin,
Thinlai ruk a na ngei,
Thapui aw ka duhlai Ma-i,
Lairil-ah i cham si thin,
Engan kher nge nang ang an lo pian ve ni,
Sakhmel chauh tha si a, mahse i nun a rawng si.
3. Tunah chuan e phulohpui,
Ka tawng ve ta tleitiri,
Nang pawh i lungdumtu ngei,
Tangah duh ten i bei ta si a.

4. Nunhlui mual liam hnu te kha,
Tharin lo let leh mahse,
Lamang ka let tawh lawng e,
Dam takin, aw dam takin.

Tuesday, August 10, 2010

Vanram I thlen huna I zawhna dawn tur te

1. Pathian chuan eng ang motor nge i khalh thin tih a zawt lovang che a, mi engzat chiah nge veivahna neilo i tanpui tawh tih a zawt ang che.

2. Pathian chuan i In chu engtiat chiaha lian nge tih a zawt lovang che; mi engzat nge i inah i lawiluh tir thin tih erawh a zawt ang che.

3. Pathian chuan i bungraw bawmah thawmhnaw engzat a tam nge i neih tih a zawt lovang che; mi engzat nge silhfena i tuamhlawm tawh tih erawh a zawt ang che.

4. Pathian chuan engzat a tam nge i hnathawhnaah i hlawh a zawt lovang che. Mi dang tanpuina i pe thin em tih erawh a zawt ang che.

5. Pathian chuan i hnathawh hming a zawt lovang che; i hnathawh chu i theihtawk leh I phak ang tawka thain i thawk em tih erawh a zawt ang che.

6. Pathian chuan thian engzat chiah nge i neih a zawt lovang che; mi engzat chiahin nge thian a ngai che tih a zawt ang che.

7. Pathian chuan i thenawmah tutenge cheng a zawt lovang che; Engtinnge i thenawm te i dawnsawn tih erawh a zawt ang che.

8. Pathian chuan i vun rawng engang nge tiin a zawt lovang che; I nungchang engang nge tih erawh a zawt ang che.

9. Pathian chuan Chhandamna chang turin engvanga hun rei tak duh nge i nih a zawt lovang che; I chatuan In turah chuan duat takin a hruailut zawk ang che.

Kawnpui Daia MST bus Accident kha

Kum 1981 July n i 7 khan Kawnpui Dai-ah Mizoram-a Accident rapthlak ber a thleng a, Shillong lam atanga Bus Service lo chho Mizoram State Transport Bus ZRX.82 chu Kawnpui Dai, Khankawn kan tih mai thlen hma kawng thlang lamah a lum a, a lumna hmun hi a thui vak lo hle a, kawrah zuk tla thla-in a zuk innghat ta a ni a, hemi tum hian a chuang zawng zawng mi 34 zet chu an boral a ni. Joint YMA Kawnpui chuan October ni 21,1982 (Ka pian hma) khan a Accident-na hmunah Lung a phun a ni.
Kawnpui Dai hi Zin veivak tak takin an tih em em a, chubakah helai hmunah hian motor 100 dawn-in Accident an tawk tawh a, heti chung hian Kawnpui PHC-ah chuan chhawmdawlna a chau rau hle a, Kawnpui mipui-in CHC (Khum 30) awmna leh Doctor 2 tal an beisei laiin Doctor 1 in a thutchilh bakah Khum 10 chauh a awm a, Doctor awm loh tuma Motor Accident a awm changin Postmortem theih a ni ngai lo a ni.
Helai hmun hi an sawi hrang viau thin a, mi thenkhatte phei chuan eizawnnan a bu-in Kawnpui Dai thlahrang tih Issue awmin an chhuah thin nghe nghe a, he thil hi Kawnpui mipuite chuan kan duhlo hle a, helai hmun hi hmun ralmuang tak teh tihbaiawm a ni ngailo tih he blog lo visit tu zawng zawngte kan chah chu a ni e.

Sunday, August 8, 2010

Blog thar kan hawng ve top

Hei le, Elysian-a puihna azarah Bolg thar Chhawllen chu kan han hawng ve rawih chu a nia, hei hi Kawnpui atanga tihchhuah thin a ni dawn a, Kawnpui khaw mi leh sate tan tangkaina kan lo neih mial takin kan han ti ve rawh dawn chu a ni a. Chubakah Zoram mipuite tan pawh a ni ang.
He Blog hi lo tloh ve thin turin kan insawm a, tumah inthlahrung suh unnn